1 "
రాగం - బిలహరి(చాయ : కొనియాడ దరమె నిన్ను )తాళం - ఆట
నిన్ను బ్రకటన సేయ నిఖిల లోకములను బన్నుగ జేసిన బలుడ వీవె ఉన్న లోకంబుల -నుడుగక కరుణా సం-పన్నతతో నేలు ప్రభుడ వీవె అన్ని జీవుల నెఱిగి యాహార మిచ్చుచు నున్న సర్వజ్ఞుం డవు నీవే ఎన్న శక్యముగాక ఉన్న లక్షణముల సన్నుతించుటకు నే జాలుదునా ||యన్ని||
పుట్టింప నీవంచు బోషింప నీవంచు గిట్టింప నీవంచు గీర్తింతును నట్టి పనికి మాలి నట్టి మానవుల చే పట్టి రక్షింపం బాధ్యుండ వంచు దట్టమైన కృపను దరిజేర్చ నాకిచ్చి పట్టయి నిలచియుండు ప్రభుడ వంచు గట్టడచే గడ ముట్టుదనుక నా పట్టుకొలది నిన్ను బ్రస్తు తింతు ||నన్ని||
కారుణ్యనిధి వీవు కఠినాత్ముడను నేను భూరి శుద్ధుడ వీవు పాపి నేను సార భాగ్యుడ వీవు జగతిలో నాకన్న దారిద్రుడే లేడు తరచి చూడ సార సద్గుణముల సంపన్నుడవు నీవు ఘోర దుర్గుణ సంచారి, నేను ఏ రీతి స్తుతియింతు నే రీతి సేవింతు నేర మెన్నక ప్రోవ నెర నమ్మితి ||నన్ని||
కామెంట్‌ను పోస్ట్ చేయండి