జయించిన యేసయ్య నీ తోడు చాలు

జయించిన యేసయ్య నీ తోడు చాలు
బలహీనతలో నీ కృప చాలు
లోకమంత ఒకటై నను వేరుచేసినా
అక్షయతను కోరే నీ చెలిమి చాలు
నీతోడు చాలయ్యా - నాకు నీ కృప చాలయ్యా

పాపలోక అగాధాలలో పడనీయక చేయి పట్టి
స్వార్థ ప్రియుల లోకములో స్నేహబంధమైనావు
ప్రేమ చూపే ప్రాణేశ్వరుడా నిన్ను మరువలేను
నీ తోడు లేకుండా నేను బ్రతుకలేను || జయించిన ||


1. అంధకార లోకమందు నా వెలుగు దీపమై
   హతమార్చే ఆపదలో ఆశ్రయపురమైనావు
   ఆదుకున్న ఆశ్రయుడ నిన్ను మరువలేను
   నీతోడు లేకుండ నేను బ్రతుకలేను || జయించిన ||
   
   
2. నీళ్ళు లేని ఎడారిలో జీవజలము నీవై
   నిలువ నీడలేని నాకు నిత్య నివాసమైనావు 2
   నీడని చ్చిన నిఖిలేశ్వరుడా నిన్ను మరువలేను
   నీతోడు లేకుండ నేను బ్రతుకలేను || జయించిన ||