దీవించు దేవా నీ బిడ్డలను

568

సంవత్సరాంత్య ధ్యానము

దీవించు దేవా నీ బిడ్డలను దీవించు దేవా దీవించుమీ గృహము దేవపుత్రుల మంచి స్థావరంబుగ వెలసి సత్యకాంతుల బరుప ||దీవించు||

నీవే యీ గృహమునకు నిత్యతలపతివంచు నేవేళ నీ మనసు నెరిగి జీవింపగ ||దీవించు||

సంభాషణలవేళ సన్నిహితుడా నీకు సంబరంబును గూర్చు సద్వా క్కులను బలుక ||దీవించు||

భోజన సమయమున భూరి ప్రేమతో నిన్ను పూజ్యుండౌ యతిధిగ పూజసల్పుచు బిలువ ||దీవించు||

ఇరుగుపొరుగులనెల్ల పరవారివలెగాక పరమాత్మనీసుతుల వలె జూచి ప్రేమింప ||దీవించు||

అనుదిన ప్రార్థన లందు శ్రద్దాభక్తు లను జూపి క్రైస్తవ యనుభవంబుల నొంద ||దీవించు||

క్రైస్తవగృహ విధులే గృహమున నెరవేర విస్తారమగు కృపను వీర లందరి కొసగి ||దీవించు||

ఆయురారోగ్యంబు లాత్మైశ్వర్యములిచ్చి ఈ యూర వీరు నీకింపగు సాక్ష్యము నియ్య ||దీవించు||