Parama daivame manushya rupamai పరమ దైవమే మనుష్య రూపమై ఉదయించెను

Song no: o
పరమ దైవమే మనుష్య రూపమై
ఉదయించెను నాకోసమే
అమరజీవమే నరుల కోసమే
దిగివచ్చెను ఈ లోకమే
క్రీస్తు పుట్టెను హల్లెలూయా (3)
||పరమ||

అకార రహితుడు ఆత్మ స్వరూపుడు
శరీరము ధరియించెను
సర్వాధికారుడు బలాడ్యధీరుడు
దీనత్వమును వరించెను
వైభవమును విడిచెను
దాసునిగా మారెను (2)
దీవెన భువికి తెచ్చెను – ముక్తి బాటగా
||పరమ||

అనాదివాక్యమే కృపాసమేతమై
ధరపై కాలుమోపెను
ఆ నీతితేజమే నరావతారమై
శిశువై జననమాయెను
పాపి జతను కోరెను
రిక్తుడు తానాయెను (2)
భూలోకమును చేరెను యేసురాజుగా
||పరమ||

నిత్యుడు తండ్రియై విమోచనార్ధమై
కుమారుడై జనించెను
సత్య స్వరూపియై రక్షణ ధ్యేయమై
రాజ్యమునే భరించెను
మధ్య గోడ కూల్చను
సంధిని సమకూర్చను(2)
సఖ్యత నిలుప వచ్చెను శాంతి దూతగా
||పరమ||