యేసూ ఎలా వివరింతును నాపై నీకున్న ప్రేమ

యేసూ ఎలా వివరింతును....నాపై నీకున్న ప్రేమ
కను పాపను కాపాడే కను రెప్పకున్న ప్రేమ
దోసెడు నీళ్ళైన దాయని కురుయు మబ్బుకున్న ప్రేమ
సరితూగునా ఈ ఇలలో ఏ ప్రేమ అయినా (2)
నాపై నీకున్న ప్రేమ … నాకై నీకున్న ప్రేమ
ఆరాధనా .... ఆరాధనా .... నీ ప్రేమకే నా ఆరాధనా ....


1. ఛళ్ళు ఛళ్ళు మని కొరడా దెబ్బలు గాయపరుచుచున్నా
   దున్నుతున్న వీపు రక్తము చిందించి … ఏరులై పారుతున్నా
   శిరస్సున ముళ్ళ కిరీటం ఈటెలై పొడుచుకుపోతున్నా (2)
   అణువైన తగ్గలేదు ప్రభూ ----- నాపై నీకున్న ప్రేమ … నాకై నీకున్న ప్రేమ
   -- ఆరాధనా --
   
   
2. మోయలేని సిలువ భారము మోసినా ... ఉమ్మి వేయబడినా
   సీలలే అర చేతిని చీల్చినా... ఖడ్గములై గుండెను కోసినా
   కడ సారి దప్పిక దీర్చ నీళ్ళైన కరువయినా (2)
   కాస్త అయిన తరిగిపోలేదు ప్రభూ ------ నాపై నీకున్న ప్రేమ … నాకై నీకున్న ప్రేమ
   -- ఆరాధనా --
   
   
3. పాపపు మార్గము ఎంచినా ... అపరాధిని అయినా
   నీ నామము వ్యర్థముగా వాడినా ... కలుషములే పలికినా
   నిన్ను యెరుగనని అబద్ధమాడినా ... నీ గుణమే శంకించినా (2)
   ఒక్క క్షణమైనా వీడిపోలేదు ప్రభూ ------ నాపై నీకున్న ప్రేమ … నాకై నీకున్న ప్రేమ
   -- ఆరాధనా --