9

ప్రబలముగనే ప్రస్తుతించెద ప్రభుని కృపలన్ని} 2
ప్రతి దినము నిను ప్రచురపరచెద} 2
ప్రభుడ నావిభుడా ||ప్ర||

పొందుగోరి నా యందు నిలిచిన బంధుమిత్రుడవు
మందమతి కా నందమొసగిన } 2
మహిమతేజుడవు ||ప్ర||

చింతదీర్చి నా భ్రాంతి మార్చితి వెంత వింతదియో
స్వాంతమున కడు శాంతిగూర్చితి } 2
వెంత కరుణదియో ||ప్ర||

నీతి కరపిన జాతి మరపిన ఖ్యాతి యేసునిదే
నీరసుడ నను గారవించిన } 2
నీతిరాజితడే ||ప్ర||

జీవమిచ్చిన జావవచ్చిన దేవసుత నీవే
జీవదాయక బ్రోవరా యిక } 2
జాలమేలనురా ||ప్ర||

నిమిషనిమిషము నిను భజించెద నెమ్మనంబునను
శమదమాది సుగుణశోభిత } 2
సమ్మదిని నిమ్మా ||ప్ర||

✍ చెట్టి భానుమూర్తి