Nadhi nadhi antu vadhula nekendhuku నాది నాది అంటు వాదులాట నీకెందుకు

మీరు క్రీస్తుతోకూడ లేపబడినవారైతే పైనున్న వాటినే వెదకుడి గాని,
భూసంబంధమైనవాటిమీద మనస్సు పెట్టుకొనకుడి
కొలస్సీ 3:1-2

Song no: 108

నాది నాది అంటు వాదులాట నీకెందుకు
ఏదినీది కాదు సత్యమిది ఎరుగ వెందుకు
ఇహలోక ఆశలెందుకు పైనున్న వాటినే వెదుకు }2 || నాది నాది ||


1. నిన్న నీది అనుకున్నది నేడు నీది కాకపోయెనే
   నేడు నీకు ముందున్నది రేపు కానరాకపోవునే
   క్షణికమైన వాటికొరకు ప్రాకులాట నీకెందుకు
   అక్షయ దైవ రాజ్యమే నిలుచును తుదవరకు || నాది నాది ||
   
   
2. నీదగ్గర ధనముంటే నీచుట్టు మనుష్యులుంటారు
   నీలోపల బలముంటే నిను మా వాడని అంటారు
   నీధనము నీబలగం నీ చావునాపలేవు
   తప్పకుండ ఒక నాడు మట్టిలోన కలుస్తావు || నాది నాది ||
   
   
3. నీకున్న గొప్ప ఖ్యాతి నిన్ను రక్షించలేదు
   నీ యెక్క సొంత నీతి శిక్షను తప్పించలేదు
   గడ్డి పూవులాంటిదేగదా ఇలలోన నీదు జీవితం
   యేసయ్యకు అర్పిస్తే అవుతుందిలే సార్థకం || నాది నాది ||