దేవర బ్రోవుమా దీన కుటుంబమున్
దీవెన లొసగుచు ధాత్రిని నడుపుమా ||దేవర||
పావనమగు స్వ భావము నిమ్మా పాలించర మా పాలిటిదైవమ ||దేవర||
యేసు ప్రభువ మా యింటికి శిరసుపై
వాసముజేయు మా యందున నిలువుమ ||దేవర||
అనుదిన భోజనం బనుగ్రహించి మా
పనిపాటులలో ప్రక్కను నిలువుమ ||దేవర||
పిల్లల పెద్దలన్ బెంచుమ ప్రేమతో
నెల్ల సమయముల యందున గావుమ ||దేవర||
అణకువ త్యాగము నతిధి సత్యార్యముల్
గణుతించుచు నిను గొలుతుము దేవ ||దేవర||
నీ పరిశుద్ధత నేర్పుము యేసువ
కాపరి వీవై కాయుము మమ్ము ||దేవర||
క్రైస్తవ జీవము క్రమముగ నొందుచు
ప్రస్తుతింతుమో ప్రభువా బ్రోవుమ ||దేవర||
✍ చెట్టి భానుమూర్తి
కామెంట్‌ను పోస్ట్ చేయండి