Aashirvashamu niyama ma paramajanaka ఆశీర్వాదము నీయుమ మా పరమజనక

Song no: 555

    ఆశీర్వాదము నీయుమ మా పరమజనక యాశీర్వాదము నీయుమ ఆశలుదీరంగ నాయు వొసంగుచు వాసిగ కరుణను వర్ధిల్ల బిడ్డకు ||ఆశీర్వాదము||
  1. యేసు పెరిగిన యట్టులే నీ దయయందు ఈసు బిడ్డను పెంచుము వాసిగ మనుజుల కరుణయందున బెరుగ భాసుర వరమిచ్చి బాగుగ బెంచుము ||ఆశీర్వాదము||
  2. నెనరు మీరగ మోషేను నెమ్మదియందు తనర బెంచినట్లుగ ఘనముగ నీ శాంతి సంతసములయందు తనర నీ బిడ్డను తగురీతి బెంచుము ||ఆశీర్వాదము||
  3. ఏ రీతి సమూయేలును నీ సన్నిధిలో నేపుగ బెంచితివో యారీతి నీ బిడ్డ నాత్మ స్నేహమునందు కోరి బెంచుము ప్రభువ కోర్కెలూరగ వేగ ||ఆశీర్వాదము||
  4. సత్య విశ్వాసమునందు చక్కగ బెరుగ శక్తి యొసంగినడ్పుమా సత్య వాక్యమునందు సరగను వర్ధిల్ల నిత్యము నీ కృప నిచ్చి బ్రోవుమ ప్రభువ ||ఆశీర్వాదము||
  5. భక్తి ప్రేమల నీ బిడ్డ బాగుగా బెరుగ శక్తినీయ మా ప్రభువ ముక్తి పథంబున ముద్దుగ నడువంగ యుక్తజ్ఞానము నిచ్చి యుద్ధరించుమ ప్రభువ ||ఆశీర్వాదము||

కామెంట్‌లు లేవు

Blogger ఆధారితం.