Yesu yela vivarinthunu napai nikunna prema యేసూ ఎలా వివరింతును నాపై నీకున్న ప్రేమ

॥ పల్లవి ॥
యేసూ ఎలా వివరింతును.... నాపై నీకున్న ప్రేమ
కను పాపను కాపాడే కను రెప్పకున్న ప్రేమ
దోసెడు నీళ్ళైన దాయని కురుయు మబ్బుకున్న ప్రేమ
సరితూగునా ఈ ఇలలో ఏ ప్రేమ అయినా (2)
నాపై నీకున్న ప్రేమ … నాకై నీకున్న ప్రేమ
ఆరాధనా .... ఆరాధనా .... నీ ప్రేమకే నా ఆరాధనా ....

ఛళ్ళు ఛళ్ళు మని కొరడా దెబ్బలు గాయపరుచుచున్నా
దున్నుతున్న వీపు రక్తము చిందించి … ఏరులై పారుతున్నా
శిరస్సున ముళ్ళ కిరీటం ఈటెలై పొడుచుకుపోతున్నా (2)
అణువైన తగ్గలేదు ప్రభూ ----- నాపై నీకున్న ప్రేమ … నాకై నీకున్న ప్రేమ
-- ఆరాధనా --

మోయలేని సిలువ భారము మోసినా ... ఉమ్మి వేయబడినా
సీలలే అర చేతిని చీల్చినా... ఖడ్గములై గుండెను కోసినా
కడ సారి దప్పిక దీర్చ నీళ్ళైన కరువయినా (2)
కాస్త అయిన తరిగిపోలేదు ప్రభూ ------ నాపై నీకున్న ప్రేమ … నాకై నీకున్న ప్రేమ
-- ఆరాధనా --

పాపపు మార్గము ఎంచినా ... అపరాధిని అయినా
నీ నామము వ్యర్థముగా వాడినా ... కలుషములే పలికినా
నిన్ను యెరుగనని అబద్ధమాడినా ... నీ గుణమే శంకించినా (2)
ఒక్క క్షణమైనా వీడిపోలేదు ప్రభూ ------ నాపై నీకున్న ప్రేమ … నాకై నీకున్న ప్రేమ
-- ఆరాధనా --