నీ సిలువ శ్రమలు ధ్యానించాలని

నీ సిలువ శ్రమలు ధ్యానించాలని
నీ సముఖములో తరించాలని
మాలిన్యమునకు దూరంగా - నీకిష్టమైన యాగంగా
జీవితం మలచుకోవాలనే పవిత్ర సాధన దీక్ష
అ.ప. : ఇది సిలువ దీక్ష - స్వపరీక్ష || నీ సిలువ ||


1. మానవపాపపరిహారార్థం భువికేతెంచిన నీవు
   సిలువను మోసి మరణమునొంది నీపని ముగించినావు } 2
   నా సిలువను నేనెత్తుకొని- నన్ను నేను తగ్గించుకొని } 2
   నీ అడుగులలో నడవాలనే పవిత్ర సాధన దీక్ష || ఇది సిలువ ||
   
   
2. లోక పాపాలగూర్చిన బాధతో రక్తమాయె నీ స్వేదం
   గెత్సెమనెలో మోకాళ్ళపైన మ్రోగెను ప్రార్థననాదం } 2
   నా పాపక్రియలకొరకై నే పశ్చాత్తాప హృదయముతో } 2
   ఆత్మీయ వసంతం పొందాలనే పవిత్ర సాధన దీక్ష || ఇది సిలువ ||
   
   
3. పరోపకారమే ఆహారంగా ఇలలో జీవించినావు
   ప్రేమ కలిగియుండుమని బోధించి మాదిరి చూపించినావు } 2
   శత్రువుకై ప్రార్ధించిన - అందరికి మేలు చేసిన } 2
   నీ మనసు కలిగియుండాలనే పవిత్ర సాధన దీక్ష || ఇది సిలువ ||