వీరుడమ్మ వీరుడమ్మ వీరుడమ్మ

వీరుడమ్మ వీరుడమ్మ వీరుడమ్మ
భలే యేసు నాధుడు
శూరుడమ్మ శూరుడమ్మ శూరుడమ్మ
భలే యేసు నాధుడు } 2


1. మరణాన్నే గెలిచినాడు
   మనలను బ్రతికించినాడు
   పాపమనే‌ ఊబినుండి పైకి లేవనెత్తినాడు
   
   
   చెప్పరో యేసయ్యకు వందనాలు
   కొట్టరో‌ యేసయ్యకు జేజేలు }2
   
   
2. కుళ్ళిపోయిన శవమును
   మళ్ళి తిరిగి లేపినాడు
   కళ్ళముందు నడువంగ
   కన్నుల‌ చూపించినాడు
   ఎండిపోయిన బ్రతుకుల
   వెలుగురేఖ నింపినాడు
   చిన్నబోయిన బ్రతుకుల
   చింతలన్ని తీర్చినాడు
   
   తల్లడిల్లె జనమునంత తట్టినాడయో
   వాళ్ళ తప్పులు మన్నించి నిలిచి పిలిచినాడయో }2
   
   యేసే నిజ దైవమని
   ఎల్లరికి తెలిపినాడు || చెప్పరో ||
   
   
3. మాటరాని మూగవారు
   మాటలాడుచున్నారు
   యేసు పేరు చెప్పి నోట
   పాట పాడుచున్నారు
   కుంటివారు గంతులేసి
   నడవసాగుచున్నరు
   చంటివారు చనిపోయిన
   ఉలికిపడి లేచినారు
   
   పాపులనే పిలిచినాడయో యేసయ్య
   పాపము క్షమియించినాడయో }2
   
   పాపమింక‌ చెయ్యొద్దని
   యేసుడన్న నీతి మాట || చెప్పరో ||