Ullasimchuma bhuloka janama Lyrics

ఉల్లసించుమా భూలోక జనమా శ్రీయేసు నామమందు
పల్లవించగా పరలోక ఆనందం హృదయ సీమయందు
సృష్టి యంత స్తుతులు పాడగా ఓ మనవా
సృష్టికర్తను స్తుతించవా

1. ఊగేటి పైరులన్ని - సాగేటి ఏరులన్ని
మంద్రమైన స్తుతులను వినిపించుచున్నవి
పూచేటి పూవులన్నీ - వీచేటి గాలులన్నీ
చెప్పలేని ఆహ్లాదం పంచుచున్నవి
సృష్టి యంత స్తుతులు పాడగా ఓ మనవా
సృష్టికర్తను స్తుతించవా

2. ఎగిరేటి పక్షులన్ని - తిరిగేటి జీవులన్నీ
రారాజు మహిమను వివరించుచున్నవి
చల్లటి వాగులన్నీ - పచ్చటి తీగెలన్ని
ఆ యేసు పనులను ప్రచురించుచున్నవి
సృష్టి యంత స్తుతులు పాడగా ఓ మనవా
సృష్టికర్తను స్తుతించవా