జీవితమంత నీ ప్రేమగానం

654

సంవత్సరాంత్య ధ్యానము

రాగం - బిలహరి

(చాయ : కొనియాడ దరమె నిన్ను )తాళం - ఆట

జీవితమంత నీ ప్రేమగానం ప్రణుతింతుము యేసుదేవా ప్రచురింతు మేము నీ కీర్తిన్ ఆనందగానంబుతో ||జీవిత||


1. సర్వసమయములలో నీ స్తుతిగానం ఎల్లవేళలయందు నీ నామధ్యానం మాకదియే మేలు ఈ జీవితమున స్తుతియింతు నా రక్షకా ||జీవిత||
   
   
2. సృష్టినంతటిని నీ మాటచేత సృజియించితివిగా మా దేవ దేవా నీ ఘనమగు మహిమన్ వర్ణింపతరమా స్తుతియింతు నా రక్షకా ||జీవిత||
   
   
3. కలుషాత్ములైన మా కొరకు నీ విలువైన ప్రాణంబు నర్పించితివిగా కల్వరిగిరిపై చూపిన ప్రేమన్ స్తుతియింతు నా రక్షకా ||జీవిత||
   
   
4. పరిశుద్ధమైన నీ సన్నిధిలో శాశ్వతమైన నీరాజ్యంబులో ప్రేమతో నన్ను చేర్చుకొంటివిగా స్తుతియింతు నా రక్షకా ||