నీ దీర్ఘశాంతమే నా హృదయానికి

నీ దీర్ఘశాంతమే నా హృదయానికి ధైర్యము
నీ కరుణా కటాక్షములే నా బ్రతుకుకు ఆధారము (2)
యేసయ్యా… కనిపించరే
నీలాగా ప్రేమించే వారెవరు (2) || నీ దీర్ఘ ||


1. కడుపేద స్థితిలోనే కరువే నా బంధువాయెను
   వయసొచ్చిన తరుణములో వస్త్ర హీనతే కృంగదీసెను (2)
   (ఏ) ఆధారము కనిపించని నా బ్రతుకులో
   ఐశ్వర్యవంతుడ నన్నాదుకున్నావు (2)
   యేసయ్యా… కనిపించరే
   నీలాగా దీవించే వారెవరు (2) || నీ దీర్ఘ ||
   
   
2. ఈ లోక జ్ఞానులలో వెర్రివానిగా ఉంటిని
   ఎన్నికైన వారిలో వ్యర్థునిగా మిగిలి ఉంటిని (2)
   తృణీకరింపబడిన నా బ్రతుకును
   కరుణా సంపన్నుడా నన్నెన్నుకున్నావు (2)
   యేసయ్యా… కనిపించరే
   నీలాగా కృప చూపే వారెవరు (2) || నీ దీర్ఘ ||
   
   
3. నా ప్రాణము నాలో కృంగివున్న సమయములో
   జీవము గల నీకై నా ప్రాణము పరితపించెను (2)
   మధురమైన నీ సహవాసముతో
   నా జీవ నాథుడా నీ మమతను పంచావు (2)
   యేసయ్యా… కనిపించరే
   నీలాంటి జీవము గల దేవుడెవ్వరు(2) || నీ దీర్ఘ ||